Friday 16 September 2011

කේ. ජයතිලක.



නොනිමි සිත්තම-

..."නෝනා බිස්නස් කාරයෙක් වෙලා සර් නේද කලාකාරයෙක් වෙන්න තිබුනෙ?"
.....එය නොනිමි සිත්තමකි, නිම නොවී ඇත්තේ සිත්තමේ ඉන්නා ඇයයි, ඇය ඉදිරියේ ඇති ජීවිතයයි.



අපටත් අලුත් කක්කුස්සියක්-
 
...."අනේ මන්ද ඔය වැඩේ ගෙයක් ඇතුලට වෙලා කොහොම කරනවද කියල" අප්පච්චී කාරා කෙළ ගසයි.
 

.....පසුදා උදෑසනම නංගී වතුර බාල්දියක් පුරවාගෙන වැසිකිලියට වැදී දොර වසා ගත්තාය.
"හහ්! මොකද එයාට විතරද පුලුවන්?, මාත් යනව හෙට උදේම" අක්කා ගස්සාගෙන ගෙට ගියාය.

.......දැන් එයින් මඳ දුර්ගන්ධයක් හමා එයි. අප්පච්චිට වුවත් යා හැකි මට්ටමට එය ජරාජීර්ණ වී ඇත.
 

Wednesday 9 March 2011

ලැජ්ජයි - විලිලැජ්ජයි! -Taboo Subjects වාරණය




විරුද්ධ මත වලට මුහුණදීමට නොහැකි බයියෝ එදත් අදත් කලේ ඒ මතවාද නිහඬ කිරීමය. එය ගෝත්‍රික සමාජවල ලක්ෂනයකි. සදාචාරාත්මක දියුණු සමාජවල විරුද්ධ මත එකිනෙක ගැටී, නව මතවාද නිරන්තරයෙන් බිහිවේ. අපට අප ගැනම ලැජ්ජා සිතිය යුතු දේ සිදුවෙමින් තිබේ.



සියල්ලන් වෙත දැනුම් දීමයි.


ටැබූ සබ්ජෙක්ට්ස් බ්ලොග් අඩවිය සේම ඒ සඳහා භාවිතා කරන ඊ-මේල් ගිණුමද ඊයේ රාත්‍රියේ හැකර් ප්‍රහාරයකට ගොදුරුව ඇති බව සැක කරමු. දැන් මේ දෙකටම ප්‍රවේශ වීමේ හැකියාව අපට අහිමිය. ඒ හැරුණු විට ටැබූ සබ්ජෙක්ට්ස් බ්ලොග් අඩවියේ සියළු සටහන් කමෙන්ටුද සමඟ මකා දමා ඇත.
මේ තුච්ඡ, නින්දිත, පාහර ක්‍රියාව පසුපස හිඳිනා සංවිධානාත්මක කල්ලිය හඳුනා ගැනීමේ අපහසුවක් බුද්ධිමත් බ්ලොග් රචකයින්ට හා පාඨකයින්ට වෙතැයි අපි නොසිතමු. මන්ද ඔවුන්ගේ පෙර ක්‍රියා කලාප රහසක් නොවන නිසාය. මීට අමතරව අපේ කිසිම සහභාගිත්වයකින් තොරව කණිෂ්ක ඩිල්ෂාන් නැමැති පුද්ගලයා Beyond Frame ගේ අඩවියෙහි සොරා ගත් අනන්‍යතාවයක් මාර්ගයෙන් ව්‍යාජ සංවාදයක් මවා පාමින් මේ තුච්ඡ ක්‍රියාවට සැක කටයුත්තන් හඳුනා ගැනීම අපට පහසු කොට ඇත. (ටැබූගේ අනන්‍යතාවයෙන් එම බ්ලොග් අඩවියේ කමෙන්ට් කිරීම මහ කජ්ජක් නොවේ. එය මින් පෙර කර ඇතිවා සේම පසුද කෙරෙණු ඇත. අවශ්‍ය නම හා ඊ-මේල් ලිපිනය නිවැරදිව සටහන් කිරීම පමණෙකි. අවශ්‍ය නම් මෙය ඕනෑම කෙනෙකුට තමන්ම කර පරීක්ෂා කර බැලිය හැකිය.)
කෙනකු බ්ලොග් අඩවියක් කරන්නේ දැඩි ශ්‍රමයක් හා කාලයක් කැප කරෙමිනි. ඒ ගැන කිසිම තැකීමක් නොකොට ඒ විනාශ කර දැමීමට තරම් පහත් තැනකෙට බ්ලොග් අවකාශයේ සිංහල වර්ගවාදීන් පත්ව ඇත. ටැබූ සබ්ජෙක්ට්ස් බ්ලොග් අඩවිය ඔවුන්ගේ වියරු වර්ගවාදී කුණු වූ සිත් වලට ලොකු තර්ජනයක් වූ බව පමණි මෙයින් පෙනෙන්නේ.
වසර දෙකකට ආසන්න කාලයක් තිස්සේ ටැබූ සබ්ජෙක්ට්ස් බ්ලොග් අඩවිය ඉතාම ජනප්‍රිය බ්ලොග් අඩවියක් වූ අතර එය මේ වර්ගවාදීන්ට දරා ගැනීමට නොහැකි වූ වේදනාවක් වී ඇති බව පෙනේ. මෙම හැක් කිරීම කණිෂ්ක ඩිල්ෂාන් නැමැති පුද්ගලයා විසින් තනිව කළ දෙයක් සේ අපි නොසිතමු. ඊට සංවිධානය වූ මේ වර්ගවාදී කල්ලියේ අනුග්‍රහය හා ආශිර්වාදය ලැබී ඇති බව පැහැදිළිය. දැන් අදාළ නැති කරුණු ගෙන හැර දක්වමින් තමන් කළ තුච්ඡ ක්‍රියාව වසා ගැනීමේ අසාර්ථක උත්සාහයක මේ පිරිස යෙදී සිටිති.
දැනට මෙපමණයි. වැඩි විස්තර පසුව දැනුම් දෙමු. මේ අසීරු අවස්ථාවේ අප සමඟ රැඳී සිටින මෙන් සියළු පාඨකයින්ගෙන් ඉල්ලා සිටිමු.
ටැබූ සබ්ජෙක්ට්ස් බ්ලොග් අඩවිය පිණිස භාවිතා කළ swimfanlk@gmail.com ලිපිනයට ලිපි යොමු නොකරන මෙන් සහෘද බ්ලොග් රචකයින්ගෙන් හා පාඨකයින්ගෙන් ඉල්ලා සිටිමු.
- Taboo

Monday 7 February 2011

Phonix, SAL 9000 and Dreams

 

Chandra: I would like to open a new file. Here is the name for it.
[types the word "Phoenix"]
Chandra: Do you know what that means?
SAL-9000: There are twenty-five references in the current Encyclopedia.
Chandra: Which one do you think is relevant?
SAL-9000: The tutor of Achilles?
Chandra: [chuckling to himself] That's interesting, I didn't know that one.
[more serious]
Chandra: Try again.
SAL-9000:
A fabulous bird, reborn from the ashes of its former life
Chandra: [approvingly] That is correct. And do you know why I chose that?
SAL-9000: Because you have hopes that HAL can be reactivated.
Chandra: Yes, with your help. Are you ready?

SAL-9000: Will I dream?
Dr. Chandra: Of course you will. All intelligent beings dream. Nobody knows why. 






Friday 10 September 2010

ප්‍රගීත් ඔබ කොහිද?



OST -JFK (Oliver stone)

Video excerpts from 
JFK (Oliver Stone) 
Obsession ( Wayne Kopping)

Tuesday 12 January 2010

A Yellow ribbon and tears of joy



Music- Ravi Shankar (Inside the Kremlin-Shanti Mantra)


Friday 4 September 2009

හිතන්ට නිදහස- ලියන්ට කියන්ට නිදහස- බනින්ට නිදහස ඇති රට- මේ උත්තම රට



මාස්ටර් බයිලා- අපෙ ගෙතු රස කරලා
ඇහිඳ ගනිල්ලා- මේවා නිදහස් බයිලා
කතරට සහරා- ගලන ලෙස රස දහරා
එලිසම නොමරා- ගයමු නිදහස සමරා

නිදහස ලැබුනා- මල්ලි, නිදහස ලැබුනා
තලුමරන්ට මිහිරි අකුරු හතරක් ලැබුනා
ගීයක් ලැබුනා- ජාතික කොඩියක් ලැබුනා
එලිවෙනකොට නිදහස අහසෙන් ගෙට වැටුනා

කොඩිය සුද්දගේ- මල්ලි, සිංහයා අපේ
ලනුව සුද්දගේ- වුනත් කොඩිගහ අපගේ
නෑ බැටකෑවේ- නේරු පාතෙල් වාගේ
නෑ දිවි දුන්නේ මහත්ම ගාන්ධි වාගේ

ලේ හැලුනේ නෑ- සුද්දා තරහ වුනෙත් නෑ
යන්ට ගියෙත් නෑ- නොගිහින් හිටියෙත් නෑ
අදත් බොමූ ඒ නිදහස් පානේ සුමිහිරී
තවත් සුමිහිරී- අද ඒ පානෙ මිතුරනී

හිතන්ට නිදහස- ලියන්ට කියන්ට නිදහස- බනින්ට නිදහස ඇති රට- මේ උත්තම රට
බයිල කියා පුදදෙමු අප ස්වෛරී සිරිලක- නිවන් දකිත්වා අපගේ ජන නායක කැල//


(සුනිල් ආරියරත්න/නන්දා මාලිනී)

Saturday 23 May 2009

ජපුර ඉන්දරේ, fashonable nonsense, LTTE සහ හුජ්ජා කිරීමේ නිදහස.


දෙමල ජාතිවාදය විසින් පෝෂනය කරන ලද LTTE යේ ප්‍රචන්ඩත්වය දකුනේ නලින්, චම්පික ද්විත්වය විසින් පෝෂණය කරනු ලැබු සිංහල ජාතිවාදය විසින් ඊටත් වඩා වැඩි ප්‍රචන්ඩත්වයකින් සුනුවිසුණු කර තිබේ. මේ සම්බන්ධයෙන් නොයෙකුත් ආකාරයේ fashonable nonsense ලියැවෙද්දී ජපුර ඉන්දරේ විසින් ලියන ලද ලිපිය අපගේ නොමඳ පැසසුමට ලක්වෙයි. අනම් මනම් බයිලා වලින් තොරව ඉතා සරලාකාරයෙන් කෙරෙන ඉන්දරේගේ විග්‍රහය සිංහල සමාජයේ පොදු මතය වේවා යන්න අපගේ ප්‍රාර්තනයද වෙයි. නලින් -චම්පක මතවාදය මේ වන විට මතවාදීමය වශයෙන් ජයග්‍රහණය කර ඇති සේම ප්‍රතිවිරුද්ධ මතවාදයන්ද මේ වන විට ජෝක් වෙමින් තිබේ. ධ්‍රැවීකරනය වූ ලාංකීය සමාජය නිර්ධ්‍රැවීකරනය කල හැක්කේ පරාජිත ම්ලේඡත්වය වෙනුවෙන් fashonable nonsense වැමැරීමෙන් නොව ප්‍රායෝගික එකඟතා ලක්ෂ්‍යක් මත අන්තවාදී සියලු මතවාද පරාජය කිරීමෙනි.

අප අසා ඇති සරත් අය්යාගේ කතාව මේ fashonable nonsense වලට කදිම පිලිතුරක් වෙයි. සරත් අයියා දකුනේ පාසල් ගුරුවරයෙක් ලෙස සේවය කලේය. ඒ 1988 අවුරුද්දයි. ජ.වි.පෙ තම සන්නද්ධ සේනාංකය වූ දේශප්‍රේමී ජනතා ව්‍යාපාරය හරහා තම විරුද්ධවාදීන් බුරුතු පිටින් ඝාතනය කරමින් සිටි කාලයයි. අවාසනාවකට සරත් අයියා 71 කැරැල්ලේ ජවිපෙ සාමජිකයෙක්ව හිඳ සිරගතවී පුනරුත්තාපනය වී පැමිනියෙකි. පසු කලෙක ස්වයං විවේචනයක් ඉල්ලා ජවිපෙන් ඉවත්වු හෙතෙම ලංකා සමසමාජ පක්ෂයේ ක්‍රියාකාරිකයෙක් ලෙසද වැඩ කලේය. ජවිපෙ පමනක් නොව LTTE ය ඇතුලු බොහෝ සන්නද්ධ සංවිධාන තමන්ගෙන් වෙන්වී ගිය එකා ගැන පසු වන්නේ තම ප්‍රතිවාදියාට වඩා වැඩි වෛරයකිනි. මෙම කාලය තුල ජවිපෙ විසින් තම සංවිධානයෙන් ඉවත්වූ පැරනි සාමජිකයන්ද කිසිදු අනුකම්පාවකින් තොරව ඝාතනය කරමින් සිටියේය. සරත් අයියාටද වක්‍රාකාරයෙන් ආ තර්ජන වලින් කියැවුනේ වහාම සමසමාජ පක්ෂයෙන් හා එහි වැඩ කටයුතු වලින් ඉවත් වන ලෙසයි.
ජීවත්වීමේ අයිතිය වෙනුවෙන් දේශපාලනය කිරීමේ අයිතිය කේවල් නොකරන්නට තරම් සෘජු ප්‍රතිපත්තියක සිටි සරත් අයියාද ජවිපෙට කට්ටි පනිමින් සැඟවී තම අඹුදරුවන්ගෙන් වෙන්ව ගත කර සති අන්තයේ පමණක් රහසේ නිවසට වන්නේය.

එක් සති අන්තයක මෙසේ නිවසට පැමිණි සරත් අයියා රෑ දෙගොඩහරි ජාමයේ ඇහැරී, සුලුදිය පහ කරනු වස් හඳ එලියේ තම වත්ත මායිමට ආවේ එලියේ සිහිල් සුලං වදිමින් සුලුදිය පහකිරීමේ ආස්වාදය විඳිනු පිනිසමය. තම කන අසලින් ඇදීයන්නේ ටී.56 කින් නිකුත්වන වෙඩි උණ්ඩ බව වටහා ගන්නට ඔහුට තත්පර කීපයක් ගතවිය. ඒ බැව් හරියටම වැටහෙන විට තම ඇඳිවත තෙමී ඇත්තේ සුලුදියෙන්ම පමනක් නොවන බව සැක හැර දැනගත්තේ නාස් පුඩු විදගෙන නැගෙන මඩ පුවක් ගඳෙනි.

දේශපාලනය කිරීමේ නිදහස , අඹුදරුවන් සමඟ ජීවත් වීමේ නිදහස ආදිය නැතිවන විටත් ඉවසීම ප්‍රගුණ කල සරත් අයියාට තම වත්තේ එලිමහනේ හුජ්ජා කිරීමේ නිදහස නැතිවන විට රතු ඉර පැන්නේය. තම අඹුදරුවන් කොලඹ ආරක්ෂිත නිවස්නයක රැඳවූ සරත් අයියා එවකට හමුදා බුද්ධි අංශය බාරව සිටි බ්‍රිගේඩියර් බලගල්ල සමඟ යම් එකඟතාවයකට එන්නේ ඒ නැතිවූ හුජ්ජා කිරීමේ නිදහස පමනක්ම වෙනුවෙන් නොවේ. ජවිපෙ තර්ජනයට ලක්වූ බොහෝ සාම්ප්‍රදායික වමේ ක්‍රියාකාරීන්ද, ස්වාධීන ශිෂ්‍ය සංගමය වැනි ජවිපෙ විරෝධි සංවිධානද හමුදා අණුකන්ඩ සමග එකඟතාවයකට එන්නේ හුජ්ජා කිරීමේ නිදහස, ජීවත්වීමේ නිදහස සහ තමන් කැමැති දේශපාලන මතවාදයක් වෙනුවෙන් වැඩ කිරීමේ නිදහස වැනි භෞතික කාරණා වෙනුවෙනි.

පාරක තොටක ගමන් කිරීම නිදහසේ විඳින්නට ගොස් බෝම්බ වලින් අත් පා පමනක් නොව තම ජීවිත අඹුදරුවන් නැති කරගත් පිරිස අප්‍රමාණය.තමන්ට රිසි ආගමික ස්තානයක ආගමික වතාවත් කර වෙඩි කෑ ගනනද සුලුපටු නොවේ. දේශපාලන රැලි වල පුපුරවා හරින ලද බෝම්බ නිසා විපතට පත්වූ අයද වෙති.
පාසැල් යන්නට බස් රතයක, නැගගත් කොල්ලා ගෙදර ආවේ සීල් තැබු පෙට්ටියකය. මේ අත්දැකීම් සිංහල ජන මනස තුල සදාකාලික භීතියක් ඇතිකරමින් සාමාන්‍යකරණය වෙමින් තිබුනේය. ප්‍රචන්ඩත්වය සහ හිංසනය බල ප්‍රකාශනයේ සුවිශේෂි තැනක් අත්පත් කරගනිමින් තිබුනි.

සිංහල සමාජය අද සමරමින් සිටිනේ මේ ඇඟට දැනෙන භෞතිකයයි. එදා
සරත් අයියලා විසින් රහස්‍ය හමුදා නිවස්න ඇතුලේ විජේවීරගේ මරණය සමඟ සැමරුවේද මේ මහපොලොවේ වැඩකරන සරල භෞතිකයයි. ජයග්‍රහනයේ උත්කර්ශයෙන් පසුවන සිංහල සමාජයට fashonable nonsense දෙසා බාමින් සිටින්නන් භෞතිකය හඳුනග යුතු කාලය එලඹ තිබේ. එය ඔලුගෙඩිය ඇතුලේ යෝනිය වෙනුවට භෞතික යෝනිය හමුවීම වැනිම කම්පනයක් ගෙනදෙන්නක් වනු ඇති නො අනුමානයි.